Mbi gjashtë milionë italianë votojnë në zgjedhjet lokale që janë test i ri për Melonin  

Qendrat e votimit për zgjedhjet për kryetarë komunash në rreth 749 qytete e qyteza italiane janë rihapur të hënën (25.05.2026) pas ditës së parë të votimit të dielën, testi i fundit zgjedhor para zgjedhjeve të përgjithshme të vitit 2027, raporton Euronews.

Më shumë se gjashtë milionë italianë kanë të drejtë vote në zgjedhjet për të zgjedhur kryetarët e komunave dhe këshillat e reja komunale në 700 qytete, duke përfshirë një kryeqytet rajonal dhe pesëmbëdhjetë kryeqytete provincash.

Sipas raporteve lokale, në zgjedhjet e së dielës dolën rreth 46.5% e votuesve, shifër pak më e ulët se në zgjedhjet e mëparshme, ku pjesëmarrja shkoi në 50.1%.

Raundi i dytë, për komunat me më shumë se 15 mijë banorë, është planifikuar për 7 dhe 8 qershor, data në të cilat votimi do të mbahet edhe në Sardenjë me 149 komunat përkatëse; atje, balotazhi është caktuar për 21 dhe 22 qershor. Votuesit po dalin para në kutive të votimit në Venecia dhe pesëmbëdhjetë kryeqytete provinciale: Andria, Agrigento, Arezzo, Avellino, Chieti, Crotone, Enna, Fermo, Lecco, Macerata, Mantua, Messina, Pistoia, Prato, Reggio Calabria, Salerno dhe Trani.

Këto zgjedhje janë prova e parë dhe vendimtare për qeverinë e kryeministres Giorgia Meloni, për të vlerësuar se sa e fortë mbetet mbështetja e saj në vend para zgjedhjeve të përgjithshme që priten vitin e ardhshëm.

Zgjedhjet mbahen njashtu pas humbjes së Melonit në referendumin për reformën në drejtësi në mars, duke shkatërruar aurën e pathyeshmërisë politike të kryeministres italiane.

Raundi zgjedhor mund të sigurojë shumicën e qendrës së djathtë për stabilitetin e lidhjes me elektoratin ose të jetë alarm i ri para zgjedhjeve të përgjithshme të vitit të ardhshëm.

Njëherësh, zgjedhjet do të matin forcën dhe fushëveprimin e vërtetë të “kampit të gjerë” progresiv, i cili duhet të vlerësojë nëse është e realizueshme alternativa e bashkuar për vitin 2027. Koalicionet duken të fragmentuara nga një zonë në tjetrën, me dinamika lokale si në Azionen të bashkuar me qendrën e djathtë në disa qytete kyçe dhe qendrën e majtë pikë e pesë në të tjera.

Përgatiti: Rexhep Maloku – Kallxo.com