Kosnett për Mikullovcin: Në kohra të vështira, humori i tij mbajti gjallë shpirtin e Kosovës
Ambasadori i ShBA-së në Kosovë, Philip Kosnett ka bërë homazhe në Teatrin Kombëtar në kryeqytet me rastin e vdekjes së aktorit dhe ish-deputetit Adem Mikullovci.
Kosnett ka theksuar se Mikullovci e ka mbajtur gjallë shpirtin e kosovarëve edhe në kohërat më të vështira.
“Ne i bashkohemi të gjithë Kosovës për të mbajtur zi për humbjen dhe për të nderuar jetën e aktorit, komikut, politikanit Adem Mikullovci. Në kohë të vështira, arti dhe humori i tij kanë mbajtur gjallë shpirtin e Kosovës. Kontributet e tij në kulturën, pavarësinë dhe karakterin e Kosovës do të lënë një trashëgimi të përhershëm”, thuhet në postimin e tij në rrjetin social “Twitter”.
We join all of #Kosovo in mourning the loss and celebrating the life of actor, comedian, politician Adem Mikullovci. In difficult times, his artistry & humor lifted Kosovo's spirit. His contributions to Kosovo's culture, independence, and character will leave a lasting legacy. pic.twitter.com/ETv7kC6PgZ
— Ambassador Philip S. Kosnett (@USAmbKosovo) September 16, 2020
Aktori Adem Mikullovci ka vdekur dje në mëngjes në Prishtinë në moshën 81 vjeçare.
Varrimi i tij ishte bërë dje në varrezat e qytetit të Prishtinës, në Lagjen “Arbëria”.