Kanosje dhe tentim për ta sulmuar policin jashtë detyrës zyrtare, tre të arrestuar
21.4.2024 - 09:46
Tre persona janë arrestuar nga Policia në Drenas, pasi të njëjtit dyshohet se pas një mosmarrëveshje në trafik kanë kanosur dhe kanë tentuar ta sulmojnë një zyrtar të policisë i cili ishte jashtë detyrës zyrtare.
Policia në raportin 24 orësh bën të ditur se ngjarja ka ndodhur të shtunën më 20.04.2024 rreth orës 17:55 në Drenas.
“Janë arrestuar tre të dyshuar meshkuj kosovarë pasi që të njëjtit pas një mosmarrëveshje në trafik kanë kanosur si dhe kanë tentuar ta sulmojnë viktimën mashkull kosovar zyrtar policor i cili ishte jashtë detyrës zyrtare. Me vendim të prokurorit pas intervistimit të dyshuarit janë dërguar në mbajtje”, njofton Policia.