Digjet një veturë në autostradë në Prizren

Një veturë është djegur në autostradë në afërsi të daljes Prizren–Jug sot, më 08.08.2024, në 18:45h.

Lajmi është konfirmuar për KALLXO.com nga zëdhënësi i Policisë së Kosovës për rajonin e Prizrenit, Shaqir Bytyqi.

Bytyqi ka thënë se fatmirësisht në këtë rast nuk ka të lënduar, por vetëm dëme materiale.

Tutje ai tha se Policia dhe zjarrfikësit kanë dalë në vendin e ngjarjes dhe zjarri është shuar.