Parlamenti zviceran miraton ndalimin e mbulesës së plotë të fytyrës si dhe gjoba për shkelësit

Zvicra ka votuar të mërkurën për ta dhënë miratimin përfundimtar legjislativ për ndalimin e mbulesës së fytyrës, siç janë burkat e veshura nga disa gra muslimane.

Këshilli Kombëtar votoi 151 me 29 në favor. Ky legjislacion u shty përpara nga Partia Popullore Zvicerane e krahut të djathtë, populiste, duke e tejkaluar lehtësisht rezervën e shprehur nga centristët dhe të Gjelbërit.

Kjo masë vjen pas një referendumi mbarëkombëtar dy vjet më parë, në të cilin votuesit zviceranë i miratuan ngushtë nikabet, të cilat lënë hapësira për sytë dhe burkat, si dhe maskat e skive dhe bandanat që mbahen nga disa protestues.

Me votimin e dhomës së ulët, parlamenti e forcoi ndalimin në ligjin federal dhe vendosi një gjobë deri në 1,000 franga për shkelësit potencialë.

Kjo masë e ndalon mbulimin e hundës, gojës dhe syve si në hapësirat publike ashtu edhe në ndërtesat private të qasshme për publikun, megjithëse lejon disa përjashtime.

Pak gra në Zvicër veshin mbulesa të plota të fytyrës, të njohura ndryshe si burka, të cilat ndoshta janë më të njohura si veshje të veshura në Afganistan.

Dy kantone zvicerane – Ticino jugore dhe St. Gallen veriore – kanë tashmë ligje të ngjashme. Legjislacioni kombëtar do ta vendosë Zvicrën në linjë me vende të tilla si Belgjika dhe Franca që kanë miratuar masa të ngjashme./Associated Press

Përgatiti: Nuhi Shala