Ilustrim
Arrestohet punëtori teknik në një shkollë në Istog, dyshohet se shqetësoi seksualisht një nxënëse
26.4.2023 - 16:06
Një punëtor i stafit teknik në një shkollë në Istog është arrestuar gjatë ditës së sotme.
I arrestuari, sipas zëdhënësit të Policisë së Kosovës për rajonin e Pejës, Fadil Gashi, po dyshohet se e ka shqetësuar seksualisht një nxënëse në këtë shkollë.
“Për momentin dyshohet të jetë shqetësuar seksualisht një nxënëse e asaj e shkolle nga një punëtor i stafit teknik” – ka thënë Gashi për KALLXO.com.
Ai ka treguar se për ngjarjen janë njoftuar rreth orës 13:00 dhe se rasti dyshohet të ketë ndodhur në një shkollë fillore në një fshat të Istogut.
Gashi tha se policia ka dal në vendin e ngjarjes sapo ka pranuar informatën dhe ka arrestuar të dyshuarin.