Rrena për sulm me dron në Kosovë 

Sulmi me dron Bajraktar vret liderin e Zdravo

Me datë 16 korrik 2023, faqja në Facebook “Besëlidhja” ka publikuar një fotografi të montuar në të cilën ka shkruar “Sulmi me dron Bajraktar vret liderin e “Zdravo”.

Në këtë fotografi shihet kryeministri Albin Kurti në një kombajnë, një dron “Bajraktar” dhe një kombajnë në të cilën është vendosur mbishkrimi “ZdraVo”.

Më 15 korrik 2023, kryeministri i Kosovës, Albin Kurti kishte dalë bashkë me Ministrin e Bujqësisë Faton Peci për të parë nga afër korrje- shirjet në një fshat jo larg Prishitnës. 

Në të njëjtin ditë, kryeministri Kurti ka hipur në një nga kombanjat, por jo në atë atë kobajnë që është paraqitur në fotografinë e publikuar në faqen “Besëlidhja”.

Fotografia e Kurtit në postimin e bërë nga “Besëlidhja” është e montuar. Përveç kësaj, i montuar është edhe droni Bayraktar që shihet në këtë fotografi dhe i njëjti është marrë nga postime të ndryshme në Twitter për këtë dron.

Krypometri ka kontaktuar me zëdhënësin e Qeverisë së Kosovës, Përparim Kryeziu për përmbajten e kësaj fotografie që është publikuar nga faqja “Besëlidhja”. 

“Përmbajtja e këtij postimi nuk është e vërtetë”- ka thënë Përparim Kryeziu për Krypometrin. 

Ditë më parë, ishte Kryeminsitri Kurti por edhe Ministri i Mbrojtjes Armend Mehaj të cilët prezantuan publikisht blerjen e dronëve Bayraktar TB-2. Këta dronë janë blerë nga shteti i Turqisë. 

Lajmi për blerjen e dronëve Bayraktar TB-2 ishte dhënë me datë 16 korrik 2023.