Agim Millaku - Foto: Fatrion Ibrahimi/Kallxo.com
Millaku: 10% e punëtorëve nga të gjitha inspektimet kanë dalë të jenë të paregjistruar
02.5.2022 - 23:06
Udhëheqësi i Inspektoratit të Punës, Agim Millaku, ka thënë në emisionin “Kallxo Përnime” se 10 për qind e punëtorëve nga të gjitha inspektimet që janë bërë në biznese të ndryshme, kanë dalë të jenë të paregjistruar në ATK, siç është e rregulluar me ligj.
“Në bizneset që ne i kemi kontrolluaar kanë dalë 10 për qind punëtorëve të paregjistruar, kryesisht në ndërtimtari, bujqësi e hoteleri”, tha Millaku.
Ai ka deklaruar se bizneseve iu jepet një kohë e caktuar për të regjistruar punëtorët, dhe nëse pas kësaj kohe nuk e bëjnë regjistrimin atëherë ato gjobiten.
Millaku thotë se nga mosregjistrimi i punëtorëve, atyre iu shkelen shumë të drejta deri në pension.