Ramush Haradinaj pret Ulrike Lunaçekun - Foto: ZKM
Haradinaj Pret Lunaçekun dhe Raportuesin e Ri për Kosovën në PE
Kryeministri Ramush Haradinaj priti në takim lamtumirës raportuesen për Kosovën në Parlamentin Europian, Ulrike Lunaçek të shoqëruar nga pasardhësi i saj në këtë detyrë, Igor Soltesa.
Haradinaj e ka vlerësuar punën dhe angazhimin e raportueses Lunaçek dhe mbështetjen e saj të parezervë për Kosovën në Parlamentin Europian dhe në institucionin e BE-së.
Shefi i Qeverisë së Kosovës dhe mysafirja folën edhe për proceset integruese të Kosovës dhe reformat e nevojshme që çojnë drejt anëtarësimit në BE.
Kryeministri Haradinaj tha se Agjenda e Reformës Evropiane dhe Marrëveshja e Stabilizimit Asociimit po zbatohen me një dinamikë të përshpejtuar dhe tha se po bëhen reforma të thella në fushën e sundimit të ligjit, zhvillimit ekonomik dhe në fushat e tjera.
“Kryeministri Haradinaj tha se perspektiva evropiane për Kosovën është e paalternativë dhe ajo po bën të gjitha përpjekjet që ta marrë statusin e vendit kandidat për anëtarësim në BE deri në fund të vitit të ardhshëm. Ai tha se Kosova do të përmbushë të gjitha obligimet që dalin nga marrëveshja kontraktuale me BE-në në bashkëpunim me partnerët ndërkombëtarë”, citohet të ketë thënë Haradinaj.
Ndërsa, sipas një komunikate të Qeverisë, raportuesja e posaçme e Parlamentit Europian për Kosovën, Ulrike Lunaçek, e përgëzoi kryeministrin për dinamikën e re qeverisëse dhe për angazhimin e tij personal në zbatimin e MSA-së dhe reformave në vend.
Ajo tha se Kosova ka perspektivë europiane dhe vlerësoi se duhet të përmbushë obligimet e marra me marrëveshjen kontraktuale me BE-në, thuhet në komunikatë.
Ulrike Lunaçek është pritur edhe nga presidenti Hashim Thaçi.
http://kallxo.com/thaci-lunacek-ze-sinqerte-kosoves-ne-bruksel/
Në takim lamtumirës, raëportuesja për Kosovën në Parlamentin Europian është pritur edhe nga kryetari i Kuvendit të Kosovës, Kadri Veseli.
Veseli e ka quajtur “mike të Kosovës” eurodeputeten austriake, të cilën e ka falënderuar për mbështetje të pakursyer për Kosovën.
Deputetja e Parlamentit Europian, Ulrike Lunaçek, po qëndron sot në Kosovë në një vizitë lamtumirëse, pak para se të largohet nga funksionet e saj politike.
http://kallxo.com/ulrike-lunacek-sot-pershendetet-kosoven/