Muharrem Sahiti flet pas humbjes nga Shqipëria
Kosova pësoi humbje me rezultat 2-1, në miqësoren e zhvilluar në Elbasan, ndaj Shqipërisë.
Kombëtaren e Kosovës, në këtë ndeshje e drejtoi, Muharrem Sahiti, pasi Bernard Challandes është i infektuar me coronavirus.
Sahiti ka thënë se e nisën keq pjesën e parë, duke luajtur pa ritëm, pa intensitet dhe pa dëshirë.
“Sigurisht është një rezultat negativ kur humb, e filluam keq pjesën e parë, ishte një ndeshje jo e mirë, pa ritëm, pa intensitet, pa dëshirë”, ka deklaruar Muharrem Sahiti.
Ai ka shtuar se loja e “Dardanëve”, u përmirësua në pjesën e dytë, por jo mjaftueshëm.
“Pjesën e dytë ishim më të mirë, por jo mjaftueshëm”, përfundoi Sahiti.
Kosova me 15 nëntor, do të luajë ndaj Sllovenisë, në Lubljanë, kurse më 18 nëntor në Prishtinë ndaj Moldavisë.
