Basketboll, xhiroja e 12-të në Superligë sjell super ndeshje
Xhiroja e 12-të e Superligës së Kosovës në basketboll do të sjellë derbin e rivalëve të vjetër Sigal Prishtina-Peja.
Kjo ndeshje do të zhvillohet të dielën në kryeqytet nga ora 17:00 dhe pritet të na sjellë spektakël në parket.
Prishtinasit ndodhen në vendin e tretë me 15 pikë, kurse pejanët në pozitën e pestë me 13 pikë. Ballafaqimet ndërmjet këtyre skuadrave gjithmonë kanë qenë interesante dhe kështu pritet të jetë edhe të dielën.
Ndeshja hapëse e kësaj xhiroje do të jetë ajo ndërmjet Lipjanit, që ndodhet në vendin e fundit dhe Rahovecit që është lider me 19 pikë, kurse lipjanasit kanë dhjetë pikë dhe ende nuk kanë shënuar fitore në elitë këtë edicion.
Ndeshja tjetër e së shtunës është ajo ndërmjet Trepçës dhe Yllit.
Mitrovicasit janë në vendin e tetë me 11 pikë, kurse therandasit ndodhen në vendin e katërt me 15 pikë.
Takimi i fundit i kësaj xhiro është në mes Feronikelit dhe Ponte Prizrenit.
Skuadra nga Drenasi ka grumbulluar 13 pikë deri më tani, kurse prizrenasit kanë dy pikë më shumë, andaj sfida pritet të jetë shumë interesante.
Superliga –xhiroja e 12-të
E shtunë
17:00 Lipjani – Rahoveci
19:00 Trepça – Golden Eagle Ylli
E diel
17:00 Sigal Prishtina – Peja
19:00 Feronikeli – Ponte Prizreni
