Foto-ilustrim
I Zihen 11 Revole
30.3.2016 - 17:06
Policia e Kosovës gjatë ditës së djeshme ka arrestuar një person, në veturën e të cilit janë gjetur 11 revole dhe 151 fishekë.
I dyshuari B.M. nga Gjilani është arrestuar të martën rreth orës 14:10, në afërsi të udhëkryqit Pogragjë – Stublinë – Dobrosin.
Sipas Policisë, personi i arrestuar dyshohet për veprën penale “import, eksport, furnizim, transportim, prodhim, këmbim, ndërmjetësim ose shitje e paautorizuar e armëve apo materieve plasëse”.
Pas konsultimit me prokurorin kompetent është bastisur edhe shtëpia e të dyshuarit.
“Armët, municioni dhe vetura janë konfiskuar, ndërsa të dyshuarit i është caktuar masa ndalimit për 48 orë për vazhdim të procedurave tjera ligjore”, njofton Policia në një komunikatë.