Nga një seancë e mëhershme në gjykimin për vrasje Foto: Kallxo.com
Sot gjykimi për vrasjen e rëndë në Suharekë
Vëllezërit Murat e Reshat Ademi, akuzohen se më 6 tetor 2016, në fshatin Peqan të Suharekës, në bashkëkryerje, mizorisht kanë vrarë Abedin Bytyçin.
Motivi i krimit sipas Prokurorisë ishte bashkëshortja e të ndjerit, Resmije Byqyqi.
Aktakuza i ngarkon edhe Fadil Fetiun për moslajmërim të veprës penale, ndërsa Resmije Bytyqin për shtytje në vrasje.
https://kallxo.com/rrefehet-i-suharekasit-si-e-planifikoi-gruaja-vrasjen-e-burrit-te-saj/
Sot në orën 10:00 është e paraparë të vazhdohet me gjykimin, ku pritet që të akuzuarit e tjerë të paraqesin mbrojtjen e tyre para trupit gjykues, të cilët do t’i përgjigjen pyetjeve të avoaktëve dhe prokurorit Genc Nixha dhe përfaqësuesit të familjes së dëmtuar avokatit Blerim Mazreku.
Kallxo.com ekskluzivisht ka sjellur raporte nga të gjitha seancat dhe rrëfimet e dëshmitarëve, të akuzuarve dhe rrjedhën e seancave për vrasjen e rëndë të ndodhur në vitin 2016.
Gjatë kohës sa Murat Ademi jepte mbrojtjen e tij i njëjti shfaqej i sigurt për ngjarjen që tregonte.
Në seancat për vrasjen e Abedin Bytyçit, si publik vazhdimisht janë të pranishëm rreth 15 anëtarë të familjes Bytyçi, duke përfshirë Avdi Bytyçin dhe motrat e të ndjerit, të cilat me lot në sy po e dëgjojnë dëshminë e të akuzuarit Murat Ademi për vrasjen e vëllait të tyre.
Ademi duke iu përgjigjur pyetje të Avdi Bytyçit, babait të vitkimës, kishte treguar pse e dogjën kufomën, që paraprakisht e kishin dërguar në mal.
Murat Ademi kishte deklaruar se ai personalisht nuk ka pasur kurrfarë premtimi nga Resmija por as nuk ka marrë para nga ajo.
“Premtimi dhe dhënia e saj kanë qenë para të cilat i ka paguar Resmija. Fillimisht ajo na ka dhënë shumën prej 2.000 euro për blerjen e pistoletës, të armës, e nga kjo shumë kishte tepruar shuma prej 800 eurosh”, kishte thënë ai.
Në pyetjen e Avdi Bytyçit se pse iu dogj kufoma viktimës Abedin Bytyçit, i akuzuari Murat Ademi ishte përgjigjur shkurt.
“Nuk e kemi pasur në plan, se kur kemi shku me varrosë kufomën e Abedin Bytyçit, kemi pasur qëllim djegien e teshave të kufomës që me i zhdukë gjurmët”, ishte përgjigjur Murat Ademi.
“Kur kemi fillu me e hapë gropën për me e varrosë kufomën, s’kemi pasë mjetet e duhura me hapë gropë më të madhe, e atëherë Fadil Fetiu mori vendim e i mori shishet e benzinës e nuk ia hoqi hiq teshat e kufomës. Fadili e ka ngre zhag kufomën deri te gropa me e djegë”/
” Por unë nuk i ndihmova, u ula anash, larg rreth 4-5 metra, edhe e ndeza një cigare”, kishte treguar Murat Ademi për ngjarjen në mal ku edhe më vonë është gjetur kufoma e të ndjerit Abedin Bytyçit .
https://kallxo.com/rrefimi-trondites-suharekasi-tregon-si-e-vrane-dhe-ia-dogjen-kufomen-abedin-bytycit/