Sonte në Jeta në Kosovë: Aksham Pazar me Aeroport Ndërkombëtar 4
Sonte në emisionin ‘Jeta në Kosovë’ transmetohet intervista me drejtorin e Aeroportit të Prishtinës, Haldun Firat Kokturk, dhe ish mbikëqyrësi i kontratës mes Qeverisë dhe LIMAK-ut, Lorik Fejzullahu.
Cilët janë familjarët e zyrtarëve të lartë në institucionet e Kosovës që u punësuan në Aeroportin e koncesionuar nga kompania ‘Limak’.
Cilat janë shërbimet konsulente nga shoferi i Bekim Jasharit për ‘Limak’ për të cilin ai u pagua 10 mijë euro në muaj.
Në këtë emision flet edhe ish mbikëqyrësi i kontratës mes Qeverisë dhe LIMAK-ut, Lorik Fejzullahu lidhur me atë se sa u respektua kontrata e koncesionimit të Aeroportit të Prishtinës.
Në këtë emision transmetohet pjesa e katërt e hulumtimit për Aeroportin e Prishtinës.
Emisioni i parë kishte trajtuar parregullsitë në përmbushjen e marrëveshjes për koncesionimin e Aeroportit nga kompania Limak dhe i dyti sigurinë e këtij aeroporti, ndërsa i treti punësimet familjare në ASHNA.
Emisionin “Jeta në Kosovë” transmetohet çdo të enjte në RTK në orën 20:15 dhe repriza të premten në mesditë.
