Foto Ilustrim
Policia konfiskon 120 lloje të barnave në ordinancën e cila punonte pa licencë
120 lloje të barnave janë konfiskuar nga një ordinancë në Dobërqan.
Policia ka njoftuar se gjatë ditës së djeshme në rajonin e Gjilanit është zhvilluar Plani Operativ i policisë i koduar “Ordinanca”.
Gjithashtu gjatë zhvillimit të këtij plani janë kontrolluar katër ordinanca private që ofrojnë shërbime shëndetësore ku janë hasur parregullsi në mbajtjen e dokumentacionit tatimor për çka janë konfiskuar librat e shitjes dhe librat e regjistrit të pacientëve.
Ndërsa, në një ordinancë në Dobërqan janë gjetur rreth 120 lloje të barnave, ndërsa vetë ordinance po funksiononte pa licencë.
Pronari i kësaj ordinance është arrestuar dhe është dërguar në mbajtje.
Sipas policisë për të gjitha veprimet janë njoftuar Administrata Tatimore si dhe Inspektorët Farmaceutik.