Për 5 vite 150 milionë pasuri e sekuestruar, vetëm 3 milionë prej saj është konfiskuar

Në mbledhjen e rregullt të Këshillit Prokurorial të Kosovës, Koordinatori Kombëtar për luftimin e krimeve ekonomike raportoi për periudhën prill-qershor 2018.

Koordinatori Shqipdon Fazliu para anëtarëve të Këshillit tha se ka një trend të disproporcionit në mes të pasurive të sekuestruara dhe atyre të konfiskuara.

“Po vazhdon një trend disproporcioni në mes të pasurive të sekuestruara dhe konfiskuara dhe ky disproporcion po vazhdon të jetë shumë i lartë. ( sekuestrimi është i përkohshëm, konfiskimi është i përhershëm pas vendimit të plotfuqishëm gjyqësor)”, tha Fazliu.

Fazliu tha se në 5 vjetët e fundit ka pasur mbi 150 milionë euro pasuri të sekuestruara, ndërsa vetëm 3 milionë të konfiskuara.

Çështja e konfiskimit të ulët të pasurisë sidomos në rastet e korrupsionit është një nga gjetjet edhe të raportit të monitorimit të gjykatave për vitin 2017 nga BIRN.

RAPORTIN MUND TA GJENI DUKE KLIKUAR NË LINK.