Gjykata Themelore në Pejë. Foto: Kallxo.com
Pejë, dënohet me gjashtë vite burg, sulmoi avokatin mbrojtës
30.10.2018 - 10:16
Një person është arrestuar nga policia në Pejë për sulm ndaj avokatit të tij mbrojtës.
Policia ka njoftuar se dje rreth orës 15, i dyshuari është arrestuar në objektin e Gjykatës Themelore në Pejë, pasi ndaj tij ishte shpallur aktgjykim dhe ishte dënuar me gjashtë vite burgim e kishte sulmuar avokatin e tij mbrojtës.
Në njoftimin e policisë thuhet se i dyshuari i ka shkaktuar avokatit lëndime trupore.
I dyshuari është prangosur nga oficerët korrektues dhe është dërguar në qendrën e paraburgimit në Pejë.