Festa në Prizren për fitoren e Erdoganit - Foto: Facebook/TvBesa
Festë në Prizren për fitoren e Recep Tayyip Erdoganit
24.6.2018 - 23:54
Disa qytetarë janë mbledhur sonte në qendër të qytetit të Prizrenit për të festuar rizgjedhjen e presidentit turk, Recep Tayyip Erdogan, në zgjedhjet e sotme presidenciale në Turqi.
Sipas rezultateve ende jo përfundimtare, Erdogan ka fituar 52.51 për qind të votave nga mbi 98 për qind të votave të numëruara.
Siç tregon një foto e postuar në “Facebook” nga Tv Besa nga Prizreni, disa qytetarë kanë dalë për të festuar mandatin e ri pesëvjeçar të presidentit aktual të Turqisë.