Dy të Dehur Kanosin e Fyejnë Familjarët
10.2.2018 - 09:36
Në dy raste të ndara, dy të dehur kanë demoluar shtëpitë e tyre, duke frikësuar e kërcënuar familjarët.
Policia në raportin 24 orësh njofton se në Shtërpcë një grua ka raportuar në polici se burri i saj në gjendje të dehur e ka fyer dhe kanosur me vrasje.
Gruaja gjithashtu ka njoftuar policinë se burri i saj edhe ka demoluar shtëpinë.
“Është njoftuar mbrojtësi i viktimave, ndërsa me vendim të prokurorit, rasti shkon në procedurë të rregullt”, thuhet në raportin policor.
Një rast i ngjashëm ka ndodhur edhe në Uglar të Graçanicës, kur sipas policisë, një person i dehur ka thyer xhamat e shtëpisë duke frikësuar familjarët.
Këtij të dyshuari me vendim të prokurorit i është caktuar ndalimi policor.