Dy të Arrestuar për Detyrim prej 500.000 Euro
17.1.2017 - 15:39
Policia në Gjakovë ka arrestuar deri më tani dy të dyshuar në lidhje me një rast të raportuar detyrimi.
Sipas Policisë, katër persona kanë shkuar dje rreth orës 13:20 në një agjenci turistike dhe nga pronari kanë kërkuar 500,000 euro.
Rastin e ka konfirmuar për KALLXO.com zyrtarja për informim e Drejtorisë Rajonale të Policisë në Gjakovë, Lirije Podrimaj-Beqiraj.
“Me datë 16.01.2017 ne SP. Gjakovë është raportuar një rast Detyrim nga një agjension turistik. Policia menjëherë ka marrë masat e duhura, ka arrestuar deri më tani dy persona të dyshuar dhe po ashtu është konfiskuar përkohësisht një automjet si dhe një armë zjarri”, tha Lirije Podrimaj-Beqiraj.
Ajo shtoi se hetuesit policorë janë duke vazhduar hetimet lidhur me rastin.