Dy këshilltarët e Merkelit sot në Kosovë

Sot në Kosovë pritet të vijnë për vizitë dy këshilltarët e kancelares gjermane, Angela Merkel.

Në Kosovë të shtunën solli mesazhe edhe zyrtari i lartë amerikan, David Hale, i cili ftoi liderët e Kosovës që të flasin me një zë, në mënyrë që të fuqizohet roli i Kosovës në dialog.

Hale po ashtu theksoi se përkrahja e SHBA-së është e palëkundshme.

Duke folur për marrëveshjen gjithëpërfshirëse me Serbinë, Hale tha se në bosht të saj duhet të jetë njohja e ndërsjellë.

Duke iu përgjigjur pyetjeve të gazetarëve, nënsekretari Hale ka përsëritur qëndrimin amerikan rreth dialogut, duke theksuar se Uashingtoni konsideron se tani është një moment i përshtatshëm për të arritur një marrëveshje gjithëpërfshirëse me Serbinë, duke theksuar se në bosht të asaj marrëveshjeje duhet të jetë njohja e ndërsjellë./21media