Drejtori i dënuar i Mytaher Haskukës nuk e shqetëson askë në VV

Kryetari i Prizrenit, Mytaher Haskuka në kabinetin e saj ka një drejtor të dënuar për dy vepra penale.

Vetëvendosje në Prizren qeveris në partneritet me dy parti politike, me partinë NISMA dhe Lidhjen Demokratike të Kosovës.

Zafir Berisha nga partia NISMA në një deklaratë për KALLXO.com ka thënë se Ehat Oreshka nuk ka kryer ndonjë vepër të rëndë dhe nuk ka të bëjë me detyrën zyrtare.

“Rasti nuk lidhet me përgjegjësin e tij në detyrë zyrtare, por bëhet fjalë për një makinë të vjetër të sjellë nga perëndimi për ekspozim në organizimin e aktivitetit të makinave të vjetra ku edhe vet është themelues dhe organizator i OLDTIMER fest”, ka thënë Berisha.

Berisha ka arsyetuar Oreshkën se i ka kryer këto vepra për shkak të mungesës së ligjeve dhe udhëzimeve administrative për veturat e vjetra.

“Ehati është i apasionuar pas relikteve në automobilizëm dhe s’është se ka bë ndonjë vepër të rëndë. Por në mungesë të ligjeve dhe udhëzimeve administrative për makinat e vjetra deri në 70 apo 80 vjeçare. Ai e ka mbajt dhe ekspozuar në “OLDTIMER fest” një makinë bashkë me shumë makina nga vendi dhe rajoni në një organizim ndërkombëtar që në Prizren është tash tradicional dhe që e pasuron Prizrenin me organizime të tilla”, ka shtuar Berisha.

Drejtori i Kulturës, Rinisë dhe Sporteve në Prizren, Ehat Oreshka, është dënuar nga Gjykata Themelore e Prizrenit për dy vepra penale.

Ehat Oreshka sipas aktakuzës së Prokurorisë Themelore të Prizrenit për të cilën ka marrë dënim nga Gjykata e shkallës së parë ka kryer veprat penale, falsifikim i dokumentit dhe legalizim i përmbajtjes së rreme.

KALLXO.com ka raportuar në vazhdimësi për rastin e Ehat Oreshkës.

https://kallxo.com/vetevendosje-distancohet-nga-veprimet-e-drejtorit-te-kultures-ne-prizren-haskuka-nuk-e-shkarkon/

https://kallxo.com/haskuka-nuk-do-ta-shkarkoje-drejtorin-e-denuar-per-dy-vepra-penale/

https://kallxo.com/drejtori-i-haskukes-denohet-me-burgim-me-kusht-per-dy-vepra-penale/

.