Nga takimi në Kamenicë - Foto: Facebook/DardanMolliqaj
Asamblistja e LDK-së kalon në PSD
11.3.2019 - 23:17
Një asambliste nga radhët e Lidhjes Demokratike të Kosovës në Kuvendin Komunal të Kamenicës ka aderuar në Partinë Socialdemokrate.
Kështu ka njoftuar në ‘Facebook’ deputeti i PSD-së, Dardan Molliqaj.
“Ish asambleistja e LDK-së në Kamenicë, znj. Njomza Dërmaku, nga sot na u bashkua në PSD dhe do ta vazhdojë punën e saj në kuadër të grupit të asambleistëve socialdemokrat” ka shkruar deputeti Molliqaj.
Ai njoftoi se PSD po mban takime të çdoditshme nëpër tërë Kosovën për të shtrirë degët dhe nëndegët e partisë.