Foto-ilustrim
Aksident me Fatalitet, Vdes Motoçiklisti
08.3.2018 - 13:23
Një person ka vdekur si pasojë e një aksidenti të ndodhur gjatë ditës së sotme në magjistralen Gjilan- Ferizaj, në fshatin Budrikë.
Zëdhënësi i Policisë për Rajonin e Gjilanit, Ismet Hashani tha për KALLXO.com se ngjarja ka ndodhur rreth orës 12:00.
“Po një aksident ka ndodhur rreth orës 12:00 gjatë ditës së sotme. Aksidenti ka ndodhur në udhëkryqin në fshatin Budrigë. Në aksident kanë qenë të përfshirë një veturë dhe një motoçikletë. Mjeku në vendin e ngjarjes ka konstatuar se shoferi i motoçikletës ka humbur jetën si pasojë e lëndimeve të marra”, tha Hashani.
Sipas Hashanit, ka edhe persona të lënduar por ende nuk ka raport në lidhje me këtë rast.
Ai shtoi se njësitet e policisë janë në vendin e ngjarjes.