Sulmohet një doktoreshë në Janjevë

Një sulm fizik është raportuar gjatë ditës së djeshme në rrugën “Dardania” në Janjevë. 

Rasti është regjistruar në orët e pasdites. Një doktoreshë sipas policisë është sulmuar fizikisht nga një person i dyshuar. 

Shkaku i sulmit sipas raportit policor ishte një dokument mjekësorë. 

I dyshuari sipas policisë, në shenjë revolte për një dokument mjekësor që nuk e ka marrë pretendohet se sulmoi doktoreshën. 

Ky dokument sipas raportit të policisë me rregulla mjekësore nuk u lëshohet pacientëve. 

Në lidhje me rastin është njoftuar edhe prokuroria. Në raport nuk përmendet se ndonjë person është ndaluar por që rasti ka vazhduar në procedurë të rregullt, pra personi i dyshuar do të jetë pjesë e procedurës penale për sulm ndaj personit zyrtar gjatë kohës sa është në liri.