Shoqërohet në polici personi që kërcënoi për sulm me bombë në Xhaminë e Mitrovicës

Është shoqëruar në polici një person i cili në rrjete sociale kishte kërcënuar se do hidhte bomba në Xhaminë e Madhe në Mitrovicë.

Zëdhënësi i Policisë Avni Zahiti për Kallxo.com bëri të ditur se i dyshuari është sjellë në stacion për intervistim.

“Është shoqëruar dhe intervistu një person që është parë në videon në fjalë, identitetin e tij nuk mundem për momentin ta bëjë publik”- është shprehur Zahiti.

Në videon e cila  është bërë virale në platformën Tik Tok, i dyshuari kërcënonte me kryerjen e një sulmi në Xhaminë e Madhe në Mitrovicë.