Foto: Kallxo.com
Rrënojat e monumentit bien në rrugë, intervenojnë zjarrfikësit (VIDEO)
Mëngjesin e ditës së sotme njësitë e zjarrfikësve të Prishtinës kanë intervenuar për të sanuar disa dëmtime që ka pësuar një objekt i trashëgimisë kulturore.
Mbetjet nga objekti i njohur edhe si ish – konsullata serbe në Prishtinë, kanë rënë në rrugë, duke rrezikuar kalimtarët.
Ky objekt pothuajse i rrënuar tërësisht së bashku me objektin ngjitur, janë në listë të trashëgimisë kulturore nën mbrojtje të përkohshme të Ministrisë së Kulturës, Rinisë dhe Sporteve.
Zyrtarë të Ministrisë së Kulturës kanë thënë për Kallxo.com se intervenimi i zjarrfikësve ka ndodhur pasi një dërrasë ka rënë në rrugë nga monumenti i mbrojtur.
“Sipas raportit të kolegëve një dërrasë nga objekti ka rënë në rrugë. Intervenimi i zjarrfikësve ka ardhur pas lajmërimit që kanë bërë qytetarët për rastin”, ka thënë Edona Durguti, drejtoreshë e Qendrës Rajonale të Trashëgimisë Kulturore.
Durguti ka thënë se dy objektet do të rindërtohen.
“Pronarët kanë qenë në Qendra Rajonale e Trashëgimisë Kulturore në Prishtinë i kanë marrë disa të dhëna dhe na kanë deklaruar se do të fillojnë me hartimin e projekteve për restaurimin e shtëpive”, ka thënë ajo.
Dy objektet për vite gjenden në këtë gjendje dhe pos mundësisë së rrënimit të tyre, paraqesin rrezik edhe për kalimtarët e rasti.