Presidentja e Kosovës, Vjosa Osmani dhe Kryeministrja e Italisë, Georgia Meloni, Bruksel, 13.12.2023. Foto: Vjosa Osmani, Facebook
Presidentja Osmani takoi kryeministren e Italisë në Bruksel
14.12.2023 - 10:30
Presidentja, Vjosa Osmani ka takuar dje kryeministren italiane, Giorgia Meloni, në Bruksel të Belgjikës.
Osmani tha se në takim ka potencuar rolin e rëndësishëm të Italisë në përkrahjen e Kosovës në të gjitha etapat.
“Llogarisim në lidershipin e kryeministres Meloni në avancimin e rrugës së shtetit tonë drejt integrimit evropian” – ka shkruar presidentja në Facebook.
Kryetarja e shtetit dje ka përfaqësuar Kosovën në Samitin BE-Ballkani Perëndimor të mbajtur në Bruksel.
Osmani ka ndarë disa fotografi nga pjesëmarrja në këtë samit, ndërsa ka theksuar se Kosova i ka plotësuar kërkesat e Bashkimit Evropian.
Ajo ka kërkuar që Kosovës t’i hiqen masat dhe t’i jepet statusi i vendit kandidat.