Pjesëtarë të FSK-së dhe Policisë së Kosovës certifikohen për gjuajtje me snajper
04.6.2021 - 15:31
Gjatë ditës së sotme disa pjesëtarë të Forcës së Sigurisë së Kosovës dhe Policisë së Kosovës janë certifikuar për gjuajtje me snajper.
Sipas njoftimit të Shtabit të Përgjithshëm të FSK-së, certifikimi i këtyre pjesëtarëve është bërë për shkak të ngritjes së kapaciteteve profesionalë të këtyre institucioneve.
“Ngritja e kapaciteteve profesionale dhe taktike është prioritet i FSK-së, ku nga sot FSK-së i shtohen kuadro specialistike, mirë të përgatitura nga instruktorë të Policisë së Kosovës në fushën specialistike të shenjëtarisë, asete shtetërore këto që do të përdorën për të mirën e të gjithëve”, thuhet në komunikatë.