Mustafa: Nuk lejoj që Kurti të m`i tallë çdo ditë ka një ministër

Kryetari i LDK-së, Isa Mustafa, gjatë konferencës për media, pas mbledhjes së partisë tha se nuk mund ta lejojë Kurtin që të tallet me ministrat e tij.

Këtë deklaratë Mustafa e dha pas asaj që LDK-ja do të inicojë mocionin e mosbesimit ndaj Qeverisë.

“Unë nuk mund te lejoj që z.Kurti të ma tallë cdo dite ka një ministër dhe të ma shkarkoj. Nuk kam folë me Kurtin, i kam shkru se vendimin nuk ia pranoj. Nuk më ka kthy përgjigje”, tha Mustafa.

Ai tha se sa i përket zgjedhjeve, është çështje e presidentit.

Mustafa tha se nuk sheh ndonjë mundësi të shkojmë në zgjedhje, në këtë situatë dhe për këtë aryse do të qëndrojë në qeveri deri sa të kalojë situata emergjente me Coronavirusin.