Moti sot me vranësira, në vise malore riga shiu
16.7.2020 - 07:57
Moti sot do të jetë pjesërisht me diell dhe vranësira.
Në orët e pasdites rreth viseve malore priten riga lokale shiu.
Temperaturat minimale parashihen të lëvizin ndërmjet 9-12 gradë Celsius, ndërsa maksimalet e ditës parashihen të lëvizin ndërmjet 25-27 gradë Celsius.
E ditën e premte, turbullira nga Atlantiku verior, që po i afrohet rajonit, sjell shtim të vranësirave, ndërsa orëve të pasdites me mundësi për ndonjë rrebesh shiu me bubullimë.
Në fundjavë sistemi frontal i turbullirës së Atlantikut, do të depërtojë mbi vendin tonë, ku do të kushtëzojë mot të paqëndrueshëm dhe të freskët.
Temperaturat pritet të zbresin ndjeshëm nën vlera mesatare, e kohëpaskohe priten mundësi për reshje shiu./21Media