Moti në Kosovë në 5 ditët e ardhshme

Instituti Hidrometeorologjik i Kosovës ka njoftuar për motin që do të mbajë në pesë ditët e ardhshme.

Sipas Institutit, java e ardhshme parashihet të jetë tipike vjeshtore pasi që në fushat termike do të ketë rënie të dukshme.

Vranësirat do të jenë kryesisht të stadit të mesëm dhe të ulët të troposferës, ndërsa presioni atmosferik do të ketë luhatje të lehta duke i ruajtur vlerat e normales.

Nuk përjashtohen mundësitë që të krijohet edhe mjegulla në shumë zona, pasi që ndryshimi i grafikut termik do të mundësojë formimin e kësaj dukurie.

Sipas njoftimit, në viset me lartësi mbidetare mbi 1,100 metra parashihen edhe ngrica të dobëta.

E hënë – Mot me diell dhe vranësira të shpërndara. Temperaturat minimale do të lëvizin ndërmjet 0-3 gradë Celsius, ndërsa maksimalet e ditës parashihen të lëvizin ndërmjet 11-14 gradë Celsius.

E martë – Mot i vranët dhe me intervale me diell. Temperaturat minimale do të lëvizin ndërmjet 0-3 gradë Celsius, ndërsa maksimalet e ditës parashihen të lëvizin ndërmjet 13-16 gradë Celsius.

E mërkurë – Do të mbajë mot kryesisht i vranët. Vranësirat parashihen të sjellin reshje shiu. Temperaturat minimale do të lëvizin ndërmjet 2-5 gradë Celsius, ndërsa, maksimalet e ditës parashihen të lëvizin ndërmjet 11-14 gradë Celsius..

E enjte – Mot i vranët dhe me intervale të shkurta me diell. Në fushat termike nuk parashihet të ketë ndryshime pasi që do të regjistrohen temperaturat e ditës paraprake, përveç minimaleve të cilat parashihen të jenë lehtësisht më të ulëta. Minimalet 2-4 gradë Celsius, ndërsa maksimalet e ditës parashihen të lëvizin ndërmjet 11-14 gradë Celsius.

E premte – Mot i vranët  dhe me intervale me diell. Vranësirat gjatë ditës do të pësojnë zhvillime duke krijuar kushte për reshje të shiut. Temperaturat minimale do të lëvizin ndërmjet 0-3 gradë Celsius, ndërsa maksimalet e ditës parashihen të lëvizin ndërmjet 10-12 Celsius.

Sipas Institutit, kushtet agrometeorologjike janë përmirësuar shumë pas reshjeve të fundit të cilat përfshinë gjithë territorin e Republikës.

Sasitë e reshjeve të regjistruara në disa qendra të rrjetit meteorologjik të Kosovës ishin me sa vijon:

Junik 159mm, Gadime 91mm, Ferizaj 90mm, Kamenicë 62mm, Podujevë 60mm, Mitrovicë 50mm, Prizren, Pejë dhe Prishtinë 45mm dhe Malishevë me 43mm ose litër për metër katror.

Gjatë këtyre pesë ditëve të parashikimit do të fryjë erë kryesisht nga jugperëndimi dhe verilindja me shpejtësi 1-13m/s.