Lajçak tregon detaje nga takimi që zhvilloi me zëvendëskryeministrin Bislimi

Emisari i Bashkimit Europian për dialogun Kosovë-Serbi, Mirosllav Lajçak, ka thënë se në takimin me zëvendëskryeministrin Besnik Bislimi, të zhvilluar sonte në Prishtinë, kanë diskutuar për nevojën e zbatimit të Marrëveshjes për normalizim pa kushte dhe vonesa.

Lajçak ka thënë se janë dakorduar për hapat e ardhshëm por nuk ka treguar se cilët janë ata.

“Sapo u takova me zëvendëskryeministrin e parë Besnik Bislimi për të përcjellë takimin e fundit me liderët europianë në Bruksel dhe nevojën për zbatimin e plotë të Marrëveshjes për rrugën e normalizimit pa vonesa dhe parakushte. Ne ramë dakord edhe për hapat e ardhshëm”- ka shkruar ai.

I just met with First Deputy Prime Minister @BislimiBesnik to follow up on the recent meeting with European leaders in Brussels and the need for full implementation of the Agreement on the Path to Normalisation without delay or preconditions. We also agreed on next steps. pic.twitter.com/Jc151JUvRS

— Miroslav Lajčák (@MiroslavLajcak) November 6, 2023

Lajçak ka ardhur sot në Kosovë.

Ai nesër do të zhvillojë takime edhe me liderët e opozitës.

Vizita e emisarit Lajçak në Kosovë vjen dhjetë ditë pas takimeve të fundit në Bruksel më 26 tetor, kur kryeministri i Kosovës, Albin Kurti dhe presidenti serb, Aleksandar Vuçiq, u pritën ndaras në takim nga krerët e Gjermanisë, Francës, Italisë por edhe përfaqësues të lartë të BE-së.

Pas takimit, Kurti kishte deklaruar se ishte i gatshëm për ta nënshkruar propozimin që i ishte dorëzuar më 21 tetor nga pesëshja e madhe, që përfshinte një draft-statut të vetëmenaxhimit.

Zv.kryeministri Bislimi do të takohet sonte me të dërguarin e BE-së, Mirosllav Lajçak