Lajçak takohet me O’Brien, flasin për zhvillimet në Ballkanin Perëndimor
Emisari i BE-së për dialogun Kosovë-Serbi, Mirosllav Lajçak, të mërkurën më 14.02.2024 ka zhvilluar një takim me Zëvendëssekretarin amerikan të Shtetit për Europën dhe Euroazinë, James O’Brien.
Përmes një postimi në platformën sociale “X”, Lajçak tha se bisedimet e tyre u përqendruan në zhvillimet e fundit në Ballkanin Perëndimor.
“Ne bëmë një shkëmbim të mendimeve rreth zhvillimeve të fundit në rajon dhe perspektivave që presin në horizont. Ne u pajtuam që të qëndrojmë në kontakt të ngushtë”- theksoi Lajçak.
Great to catch up with @StateEUR O’Brien ahead of this year’s Munich Security Conference. We compared notes on the latest developments in the Western Balkans and prospects for the coming period. Agreed to stay in very close touch. Grateful for the strong 🇺🇸 support to my work. pic.twitter.com/y1KjhNA1UF
— Miroslav Lajčák (@MiroslavLajcak) February 14, 2024
Takimi u zhvillua në prag të Konferencës së Sigurisë në Mynih.
Lajçak theksoi bashkëpunimin e ngushtë midis tij dhe O’Brien.
Ai po ashtu falënderoi Shtetet e Bashkuara për përfshirjen dhe përkrahjen diplomatike.