Komisioni aprovon vendimin për dhënien e statusit investitor strategjik për një kompani kosovare
04.11.2021 - 15:27
Komisioni parlamentar për Ekonomi, Industri, Ndërmarrësi dhe Tregti me shumicë votash, ka mbështetur vendimin e Qeverisë për aprovimin e rekomandimit të Komisionit Ndërministror për Investime Strategjike, për dhënien e statusit Investitor Strategjik për subjektin investues “Kosmonte Foods Sh.P.K”.
Komisioni në fjalë në dy mbledhjet e kaluara, ka shqyrtuar këtë vendim, për të cilin ka pasur kritika nga opozita.
Komisioni po ashtu ka miratuar vendimin e Qeverisë për zgjedhjen e Bordit të Komisionit të Pavarur për Miniera dhe Minerale. /RTK