Gjykata Themelore e Prishtinës - Foto: KALLXO.com
Gjykata e Prishtinës e dënon me 5 vite dënim me burgim të akuzuarin për dhunim
Sh.Sh., është gjetur fajtor nga Gjykata e Prishtinës për veprën penale të dhunimit.
I akuzuari është dënuar me 5 vite dënim me burgim.
Sh.Sh është obliguar që në emër të Fondit për Kompensimin e Viktimave të krimit të paguajë shumën prej 50 euro.
“I akuzuari Sh.Sh është shpallur fajtor dhe është dënuar me burgim në kohëzgjatje prej 5 (pesë) vite për veprën penale Dhunimi, i akuzuari detyrohet që në emër të Fondit për kompensimin e viktimave të krimit, të paguajë shumën prej 50 euro”- thuhet në njoftimin e Gjykatës.
Pala e dëmtuar nga gjykata është udhëzuar në kontest civil për realizimin e kërkesës pasurore juridike.
“E dëmtuara në këtë çështje penale, për realizimin e kërkesës pasurore juridike, udhëzohet në kontest juridiko- civil”- thuhet tutje në njoftimin e Gjykatës së Prishtinës.
Kundër këtij aktgjykimi, palët janë udhëzuar se kanë të drejtë ankese në Gjykatën e Apelit të Kosovës, përmes Gjykatës Themelore në Prishtinë.