William Walker viziton shtëpinë e gazetarëve Reporting House
Ecje nëpër pamjet e luftës: William Walker viziton 'Reporting House'
Ish-ambasadori i OSBE-së në Kosovë, William Walker vizitoi ekpozitën ‘Reporting House’ (Shtëpia e Gazetarëve) në Prishtinë, në të cilën gjenden të ekspozuara video-materiale, intervista e dëshmi të shumta nga lufta e fundit në Kosovë.
Walker u informua nga afër me përmbajtjen e video-materialeve me dëshmi të ndryshme, protestat në shenjë rezistence të viteve 90-ta, fotografi e artefakte që janë të ekspozuara tek ish-Shtëpia e Mallrave në qendër të Prishtinës.
Waker u prit nga drejtoresha e BIRN Kosova, Jeta Xharra.
Walker ka qenë ish-kryesues i Misionit Verifikues të OSBE-së në Kosovë gjatë viteve 1998 dhe 1999.
Ai ishte personi i cili i dha jehonë ndërkombëtare Masakrës së Reçakut, më 15.01.1999, ku ishin vrarë 45 civilë shqiptarë.
25 vjet nga përfundimi i luftës në Kosovë, ekspozita ‘Reporting House’ ofron pasqyrim të hollësishëm të luftës europiane që përmbylli shekullin e 20-të.
Përmes ‘Reporting House’, BIRN Kosova, Bienalja e Prishtinës dhe Paper Gallery prezantojnë punën e gazetarëve, fotografëve dhe artefaktet e kohës, të shoqëruara me vepra të artit bashkëkohor të cilat reflektojnë mbi ndikimin e luftës.
