Dyshohet se telefonoi disa herë duke u lajmëruar rrejshëm si ankues, Policia arreston 20-vjeçarin

Policia e Kosovës njofton se ka arrestuar një person në Vushtrri, nën dyshimin për prezantim të rremë.

Sipas njoftimit, hetuesit policorë kanë ndërmarrë veprime hetimore e operative që kanë rezultuar me identifikimin dhe arrestimin e të dyshuarit, B. M. 20 vjeç.

Policia thotë se arrestimi i të dyshuarit, është bërë mbi dyshime të bazuara pasi B.M ka telefonuar disa herë në linjë emergjente që ka tentuar t’i vë në lajthitje policinë duke u lajmëruar rrejshëm si ankues, dhe po ashtu është prezantuar rrejshëm edhe si person zyrtar.

Pas procedurave të intervistimit, me aktvendim të prokurorit, të dyshuarit i është caktuar masa e ndalimit policor.