Ilustrim
Dyshohen se morën ryshfet nga kandidatët për patentë-shoferë, arrestohen dy persona në Prishtinë
15.2.2023 - 11:19
Dy burra janë arrestuar për marrje të ryshfetit në një autoshkollë në Prishtinë.
Të njëjtit dyshohet se kanë marrë të holla nga kandidatët në këmbim të kryerjes së provimeve për patentë-shoferë.
“Lidhur me rastin janë konfiskuar disa dëshmi si teste me të dhëna të kandidatëve dhe pajisje për komunikim në largësi”- ka njoftuar Policia.
Rasti ka ndodhur dje rreth orës 09:00.
Sipas Policisë, me vendim të prokurorit dy të dyshuarit janë dërguar në mbajtje.