Dy të lënduar nga aksidenti në autostradën Prizren-Prishtinë - Pamje
20.2.2024 - 10:14
Dy persona kanë mbetur të lënduar në një aksident trafiku në autostradën Prizren – Prishtinë.
Aksidenti ka ndodhur mëngjesin së martës më 20.02.2024 rreth orës 08:30.
Bajram Krasniqi, zëdhënës i Policisë së Kosovës për Kallxo.com ka treguar se në kilometrin e 48-të të kësaj autostrade në aksident u përfshinë një kamionetë dhe një veturë.
“Si pasojë e aksidentit, lëndime trupore kanë pësur dy persona. Të lënduarit, janë dërguar për tretman mjekësor”- deklaroi Krasniqi.
Qytetarë, dëshmitarë të ngjarjes kanë dërguar një video në Kallxo.com nga ky rast.
Sipas tyre, vetura ka qenë e ndarë në gjysmë.
