Ilustrim
Dorëzohet në polici i dyshuari për vrasjen dhe plagosjen në Drenas
Një 54 vjeçar me inicialet Xh. B., i cili po dyshohet se ka qenë autori i vrasjes dhe plagosjes së mbrëmshme në fshatin Gradicë të Komunës së Drenasit është dorëzuar mëngjesin e sotëm në polici.
Siç mëson KALLXO.com, 54 vjeçar rreth orës 8 e 30 është dorëzuar tek organet e rendit.
Gjithashtu nga i njëjti është sekuestruar edhe një armë zjarri e cila dyshohet se është përdorur në rast.
Ndaj të njëjtit siç mëson KALLXO.com, kanë filluar menjëherë procedurat e nevojshme policore.
Mbrëmjen e kaluar në fshatin Gradicë është vrarë një person i gjinisë mashkull ndërsa i plagosur ka mbetur babai i tij.
Ngjarja sipas policisë, kishte ndodhur në një pyll në afërsi të fshatit ndërsa mbrëmë policia pas marrjes së informacionit kishte dalë menjëherë në vendin e ngjarjes.
Vritet një person në Gradicë të Drenasit, mbetet i plagosur babai i tij