Burri nga Kosova dhe gruaja nga Shqipëria arrestohen për trafikim me njerëz
18.10.2023 - 15:35
Të dyshuar për trafikim me njerëz, një burrë nga Kosova dhe një grua nga Shqipëria janë arrestuar nga Policia e Kosovës.
A.K., 45-vjeçar dhe R.K., 35-vjecare u arrestuan pas hetimeve intensive që policia thotë se i ka kryer në koordinim me Prokurorinë e Pejës, pas pranimit të informacioneve.
Policia thekson se i ka identifikuar dy viktima.
“Lidhur me rastin me vendim të prokurorit kompetent personat e dyshuar dërgohen në mbajtje, ndërsa viktimat e përfshira në rast u janë nënshtruar procedurave për trajtim të viktimave të trafikimit” – tha Policia përmes një komunikate për media.
Ky rast është hetuar nga Drejtoria për Hetimin e Trafikimit me Qenie Njerëzore e Policisë së Kosovës.