Arrestohet një person për mashtrim me viza

Një person është arrestuar para pak minutash në Prishtinë në lidhje me veprën penale të mashtrimit.

I njëjti dyshohet se u premtoi rregullimin dhe sigurimin e vizave disa personave në Ferizaj dhe në vende të tjera të Kosovës.

Rasti është duke u hetuar nga Prokuroria Themelore në Ferizaj dhe Policia e Krimeve Ekonomike në Prishtinë.

KALLXO.com mëson se i dyshuari është intervistuar nga policia për veprën penale.

Rastin e ka konfirmuar për KALLXO.com edhe kryeprokurori i Ferizajt, Shukri Jashari.

“Po mund të ju konfirmoj se kemi lëshuar edhe vendimin për ndalimin e të dyshuarit për veprën penale të mashtrimit”- tha Jashari per KALLXO.com.