Ilustrim
Arrestohen edhe dy persona të dyshuar për tentim vrasjen e rëndë në Gjonaj të Prizrenit
Policia e Kosovës njofton se janë arrestuar dy persona në Prizren, të cilët po dyshohen për veprat penale – vrasje e rëndë në tentativë; lëndim i rëndë trupor; armëmbajtje pa leje, dhe pjesëmarrje në rrahje.
Dy të dyshuarit po kërkoheshin për plagosjen që ka ndodhur në fshatin Krajk dhe Gjonaj të Prizrenit, më 22.05.2024. Ndërkaq fotografitë e personave në kërkim, Policia i kishte publikuar më 27.05.2024.
Pas publikimit të fotove, të dyshuarit sot me datë 03.06.2024 rreth orës 14:40 janë dorëzuar në sektorin e hetimeve rajonale në Prizren.
Të dyshuarit sipas Policisë janë Hajdin Likaj dhe Hajdar Likaj.
Hetuesit policorë gjatë hetimit të rastit në cilësinë e provave materiale kanë arritur të gjejnë dhe të sekuestrojnë një revole (pistoletë revolver) me mbishkrim “357 MAGNUM”, dhe dy fishekë kalibër i panjohur, për të cilën dyshohet se është përdorur në rast.
Policia njofton se të njëjtit në prani të avokatit mbrojtës janë intervistuar.
Në lidhje me këtë është informuar prokurori i rasti, i cili ka lëshuar aktvendim për ndalimin e të dyshuarve për 48 orë .