Titulli i pambështetur në fakte rreth veteranëve të UÇK-së
Deklarata
Jeni pasuruar pas Iufte, parti e UDB-ashëve, djali yt vozitë kerr 100 mijë euro
Vlerësimi
Me kos
Titulli i artikullit “Jeni pasuruar pas Iufte, parti e UDB-ashëve, djali yt vozitë kerr 100 mijë euro” nuk është i mbështetur në fakte. Në artikull nuk është ofruar asnjë dëshmi rreth konstatimit të bërë në titull “Jeni pasuruar pas Iufte, parti e UDB-ashëve”. Këtë citat nuk dihet se kush e ka thënë e as konteksti në të cilin është thënë. Në artikull është lakuar emri i deputetit Mergim Lushtaku, por nuk është versioni i Sami Lushtakut për atë që akuzohet, duke e lënë lajmin e njëanshëm.
Artikulli
Më 10 prill 2023 faqja në Facebook “Gazeta Press” ka publikuar një artikull me titull: “Jeni pasuruar pas Iufte, parti e UDB-ashëve, djali yt vozitë kerr 100 mijë euro”. I njëjti artikull, gjatë vitit 2022 është publikuar në disa faqe të internetit dhe në Facebook, si: “zeripress.com”, “goandwatch.com”, “infospostmedia.com”, “Lajmi Fundit”, “Autochthonous Shqipe” dhe “Gazeta e Kosovës”.
Përmbajtja i referohet një proteste të veteranëve të UÇK-së para Kuvendit të Kosovës për të kundërshtuar Projektligjin për pagën minimale, që kishte paraparë ndarjen e pensionit të veteranit dhe kufirin për pagë minimale.
Lajmi është bërë bazuar në një debat që është transmetuar në “Kanal 10” dhe të ftuar kanë qenë Enver Hajdari dhe Dardan Krasniqi.
Në këtë debat është thënë se djemtë e komandantëve të UÇK-së vozisin vetura në vlerë 100 mijë euro, por për këtë nuk është ofruar ndonjë fakt.
Përveç kësaj, në artikull nuk është përfshirë deklarata e nënkryetarit të Skenderajt, Sami Lushtaku, i cili ka folur në këtë debat. Lushtaku e ka mohuar se djali i tij posedon veturë 100 mijë euro, por e ka vlerën 15 mijë euro.
