Postimi i rremë për Fatmir Limajn
Deklarata
Unë dua t’ju njoftoj se falem 5 herë në ditë, dhe pendohem për çdo rrugë që e kam shtruar dhe për çdo tender që kam vjedhur
Vlerësimi
Rrenë
Publikimi se Fatmir Limaj lë politikën me mesazhin: “Unë dua t’ju njoftoj se falem 5 herë në ditë, dhe pendohem për çdo rrugë që e kam shtruar dhe për çdo tender që kam vjedhur” është i rremë. Burime zyrtare nga NISMA Socialdemokrate kanë konfirmuar se Limaj nuk ka thënë një deklaratë të tillë.
Artikulli
Më 23 gusht 2023 në faqen e Facebook-ut “Me Vetevendosje-n” është shpërndarë një fotografi me shkrimin “Fatmir Limaj lë poltikën, shkak Islami”.
Postimi është shoqëruar me një mbishkrim “ Unë dua t’ju njoftoj se falem 5 herë në ditë, dhe pendohem për çdo rrugë që e kam shtruar dhe për çdo tender që kam vjedhur”.
Krypometri me datë 27/08/2023 ka kontrolluar nëse ky mesazh është i vërtetë.
Albert Maxhuni, anëtar i kryesisë së partisë, “Nisma Socialdemokratike” ka demantuar një shkrim të tillë.
Ai ka konfirmuar se një mesazh i tillë nuk është dhënë nga Fatmir Limaj.
“Fatmir Limaj nuk e ka lënë politikën nuk e ka thënë as mesazhin pendues që po thotë artikulli. Ai do të kthehet fuqishëm në parlamentin e Kosovës”- ka thënë Maxhuni në deklaratë për Krypometër me datë 27/08/2023.
Krypometri ka kontrolluar edhe në postimet publike të liderit të NISMA, Fatmir Limaj.
Në faqen zyrtare të Facebook të NISMA me datë 25/08/2023 janë publikuar mesazhe nga aktivitetet politike të Fatmir Limajt.
Komuna e Malishevës udhëhiqet nga një kryetar i partisë së Limajt. Edhe kjo komunë me datë 25/08/2023 ka shpërndarë materiale nga aktivitetet politike të Fatmir Limajt.
Mesazhet dezinformuese se politikanë dhe figura pulike po i lënë aktivitetet e tyre në publik për tu kthyer në Islam nisën të shpërndaheshin pasi “Fero”, njëri nga këngëtarët e muzikës Rap, njoftoi se ka vendosur të lë muzikën për t’iu përkushtuar fesë.