Deklarata që rrejshëm i mveshet kryeministrit Kurti
Deklarata
O popull, definitivisht kom rrshit krejt. Nuk po di a jom bo për psikiatër, apo me më shkru te naj hoxhë
Vlerësimi
Rrenë
Përshkrimi në fotografinë e kryeministrit të Kosovës, Albin Kurti “O popull, definitivisht kom rrshit krejt. Nuk po di a jom bo për psikiatër, apo me më shkru te naj hoxhë” është i rremë. Kryeministri Kurti nuk e ka thënë asnjëherë një gjë të tillë.
Artikulli
Më datë 15 korrik 2023, faqe e Facebook “Komente Politike” ka shpërndarë një fotografi të kryeministrit të Kosovës, Albin Kurti me mbishkrimin “O popull, definitivisht kom rrshit krejt. Nuk po di a jom bo për psikiatër, apo me më shkru te naj hoxhë”.
Lidhur me këtë, KALLXO.com ka kontaktuar me zëdhënësin e Qeverisë së Kosovës, Përparim Kryeziu, i cili e ka mohuar që diçka e tillë është thënë nga ana e kryeministrit Kurti.
“Nuk është e vërtetë” – ka thënë Kryeziu.
Krypometri ka monitoruar edhe profilin e kryeminsitrit Kurti në Facebook dhe ueb-faqen e Kryeministrisë, por nuk ka hasur në një deklarim të tillë.
Fotografia e shpërndarë në këtë faqe ka marrë 30 pëlqime, 14 komente e një shpërndarje.
