Adem Jashari zëvendësohet me Slobodan Milosheviqin
Deklarata
“Legjendar keta janë pasardhsit e tu që qojn amanetin tënd në ved!”
Vlerësimi
Rrenë
Fotografia në të cilën shihet dy qytetarë të mbajnë në duar një pankartë në të cilën shihet ish-president i Jugosllavisë, Sllobodan Millosheviq, dhe krerët e shtetit të Kosovës, presidentja Vjosa Osmani dhe kryeministri Albin Kurti është e rreme. Fotografia reale është realizuar me 13 gusht 2023, dhe në pankartë përveç fotografisë së kryeministrit të Kosovës, Albin Kurti dhe Presidentes Vjosa Osmani është edhe fotografia e komandantit Adem Jashari.
Artikulli
Më 13 gusht 2023, faqja e Facebook-ut “Drenica Heroike” ka publikuar një fotografi të dy qytetarëve teksa mbajnë në duar një pankartë gjatë tubimit që ishte mbajtur në Prishtinë, në përkrahje të Qeverisë së Kosovës.
Në pankartën që mbajnë në duar dy qytetarë, gjatë tubimit të mbajtur me 13 gusht 2023, në të cilën shihet ish-presidenti i Jugosllavisë, Sllobodan Millosheviq, karahas tij në pankartë janë edhe krerët e shtetit të Kosovës, presidentja Vjosa Osmani dhe kryeministri Albin Kurti.
Sllobodan Millosheviq, ishte president i Jugosllavisë dhe nën drejtimin e tij u bënë luftërat e viteve të fundit në Ballkan, nga të cilat mbeten të vdekur qindra mijëra qytetarë.
Në pankartë shkruhet: “Legjendar keta janë pasardhsit e tu që qojn amanetin tënd në ved!”.
Krypometri, duke përdorë Google Lens për të kërkuar fotografitë, ka gjetur se fotografia reale është bërë me 13 gusht 2023. Në fotografinë origjinale, në pankartën që mbajnë dy qytetarë, është Adem Jashari, Vjosa Osmani e Albin Kurti.
Në pankartë shkruhet: “Legjendar keta janë pasardhsit e tu që qojn amanetin tënd në ved!”.
Kjo pankartë është përdorur në protestën e mbajtur më 13 gusht 2023 kur dhjetëra qytetarë zgjodhën që përmes protestës të tregojnë knaqësinë e tyre për punën e qeverisjes së udhëhequr nga Albin Kurti.
