Enver Hoxhaj | Foto: KALLXO.com
Hoxhaj: Veseli Kandidat i Vetëm për Kryetar të Kuvendit
08.8.2017 - 17:11
Deputeti nga radhët e PDK-së, Enver Hoxhaj, është prononcuar pas takimit të kryesisë së partisë së tij.
Ai ka konfirmuar edhe njëherë se nga PDK kandidat i vetëm për Kryetar të Kuvendit të Kosovës, është Kadri Veseli.
Hoxhaj gjithashtu ka treguar rreth vendimit për pjesëmarrje të PDK-së në seancën e radhës konstituive të thirrur nga kryesuesi i Kuvendit, Adem Mikullovci.
Vendimi, sipas tij, do të bëhet i ditur nesër. “Ne do të marrim pjesë në takim nesër dhe shpresojmë të gjejmë një zgjidhje”, ka thënë Hoxhaj. /21Media