Objekti i ri i Qendrës së Mjekësisë Familjare në Vushtrri | Foto: KALLXO.com
Vushtrria me Objekt të Ri të Mjekësisë Familjare
11.11.2017 - 14:10
Një objekt i ri i Qendrës së Mjeksisë Familjare është ndërtuar në Vushtrri.
Ky objekt është dhuruar nga Këshilli i Bashkësisë Islame në këtë qytete më 21 korrik të këtij viti në bazë të një memorandumi bashkëpunimi me Komunën e Vushtrrisë.
Sipas drejtorit të Shëndetësisë në Vushtrri, Eroll Venhari, objekti është ndërtuar nga donacionet e Këshillit të Bashkësisë Islame.
Ai tha se ndërtimi i këtij objekti ka qenë përgjegjësi e vetë donatorit, por më pas ka kaluar si aset i Komunës së Vushtrrisë.
Ky objekt, sipas drejtorit të Shëndetësisë, do të funksionalizohet më 15 nëntor.
Objekti i ri ndodhet në dalje të qytetit të Vushtrrisë dhe është emëruar Qendra e Mjekësise Familjare Numër 3.